Wednesday, August 29, 2012

മാവേലിപ്പാട്ടിന്റെ പൂര്‍ണ്ണ രൂപം Onam Maveli Song

Glitter Graphics,Glitters,Glitter,Malayalam Glitters

മാവേലി നാടുവാണീടും കാലം 
മാനുഷരെല്ലാരും ഒന്നുപോലെ 
ആമോദത്തോടെ വസിക്കും കാലം 
ആപത്തങ്ങാര്‍ക്കുമൊട്ടില്ലതാനും 
ആധികള്‍ വ്യാധികളൊന്നുമില്ല 
ബാലമരണങ്ങള്‍ കേള്‍ക്കാനില്ല 
പത്തായിരമാണ്ടിരിപ്പുമുണ്ട് 
പത്തായമെല്ലാം നിറവതുണ്ട് 
എല്ലാ കൃഷികളുമൊന്നുപോലെ 
നെല്ലിനു നൂറുവിളവതുണ്ട് 
ദുഷ്ടരെ കണ്‍കൊണ്ടുകാണാനില്ല 
നല്ലവരെല്ലാതെയില്ല പാരില്‍ 
ഭൂലോകമൊക്കെയുമൊന്നുപോലെ 
ആലയമൊക്കെയുമൊന്നുപോലെ 
നല്ല കനകം കൊണ്ടെല്ലാവരും 
നല്ലാഭരണങ്ങളണിഞ്ഞുകൊണ്ട്് 
നാരിമാര്‍ ബാലന്മാര്‍ മറ്റുളേളാരും 
നീതിയോടെങ്ങും വസിച്ചകാലം 
കളളവുമില്ല ചതിയുമില്ല 
എളേളാളമില്ല പൊളിവചനം 
വെളളിക്കോലാദികള്‍ നാഴികളും 
എല്ലാം കണക്കിനു തുല്യമായി 
കളളപ്പറയും ചെറുനാഴിയും 
കളളത്തരങ്ങള്‍ മറ്റൊന്നുമില്ല 
നല്ലമഴപെയ്യും വേണ്ടും നേരം 
നല്ലപോലെല്ലാവിളവും ചേരും 
മാനംവളച്ച വളപ്പകത്ത് 
നല്ല കനകം കൊണ്ടെല്ലാവരും 
നെല്ലുമരിയും പലതരത്തില്‍ 
വേണ്ടുന്നവാണിഭമെന്നപ്പോലെ 
ആനകുതിരകളാടുമാടും 
കൂടിവരുന്നതിനന്തമില്ല 
ശീലത്തരങ്ങളും വേണ്ടുവോളം 
നീലക്കവണികള്‍ വേണ്ടുവോളം 
നല്ലോണം ഘോഷിപ്പാന്‍നല്ലെഴുത്തന്‍ 
കായങ്കുളം ചോല പോര്‍ക്കളത്തില്‍ 
ചീനത്തെമുണ്ടുകള്‍ വേണ്ടപോലെ 
ജീരകം നല്ല കുരുമുളക് 
ശര്‍ക്കര,തേനൊടു പഞ്ചസാര 
എണ്ണമില്ലാതോളമെന്നേവേണ്ടൂ 
കണ്ടവര്‍ കൊണ്ടും കൊടുത്തും വാങ്ങി 
വേണ്ടുന്നതൊക്കെയും വേണ്ടപോലെ 
മാവേലി പോകുന്ന നേരത്തപ്പോള്‍ 
നിന്നുകരയുന്ന മാനുഷ്യരും

onapatt uഉ 
 

0 comments:

Search for Jobs
Location (optional)
Related Posts Plugin for http://godsowncountry-info.blogspot.com

Follow Us

Popular Posts

 

Malayalam Live Facebook Page | Malayalam Live Blog